اردو دا میں دوکھی ناہیں استاد دامن
اردو دا میں دوکھی ناہیں
تے دشمن نہیں انگریزی دا ۔
پچھدے او میرے دل دی بولی،
ہاں جی ہاں پنجابی اے ۔
ہاں جی ہاں پنجابی اے ۔
بلاّ ملیا ایسے وچوں،
ایسے وچوں وارث وی ۔
دھاراں ملیاں ایسے وچوں،
میری ماں پنجابی اے ۔
ہاں جی ہاں پنجابی اے ۔
ایہدے بول کناں وچ پیندے،
دل میرے دے وچ نے رہندے ۔
تپدیاں ہوئیاں ریتاں اتے،
اک ٹھنڈی چھاں پنجابی اے ۔
ہاں جی ہاں پنجابی اے ۔
ایہدے ددھاں دے وچ مکھنی،
مکھناں وچ گھیؤ دی چکھنی ۔
ڈبّ کھڑبی ددھل جیہی،
اک ساڈی گاں پنجابی اے ۔
ہاں جی ہاں پنجابی اے ۔
ایک تبصرہ شائع کریں