اجوکے یُگ وِچ ساڈے نوجوان پنجابی بولن نالوں انگریزی بولن اتے پڑھن نوں ترجیح دے رہے ہن پرنتو پنجابی دے لیکھک خاص طور تے شاعراں دی گِنتی ودھ رہی ہے۔ تُک بندی دے زیادہ زور ہے۔ کُھلی کوتا لِکھن دا رجھان ودھ رہیا ہے جدوں کہ سُر تے تال وِ چ لِکھی کوتا منُکھی من نوں ٹُنبدی ہے۔ سانجھے پنجاب نے پنجابی دے انیکاں کوی، لیکھک، غزل گو تے شاعر پیدا کیتے ہن، جِہناں نے پنجابی بولی دی ترقی تے نِکھار وِ چ مہتوپورن رول ادا کیتا ہے۔ کُجھ اِک انکھیلے لوک کوی ہن، جِہناں دی کوتا رہندی دُنیاں تک جِیوندی رہیگی۔ بولی کیونکہ لوکاں دے بُلھاں ’تے جِیوندی ہے، جہڑی کوتا لوکاں دی سرل بولی وِ چ لِکھی جاوے، اوسنوں لوک ہمیشہ گُنگُناؤندے رہندے ہن۔ سانجھے پنجاب دا شِری چِراغ دین دامن اجیہا شاعر سی، جہڑا لوکاں دی بھاشا پنجابی وِ چ لوک مسئلیاں تے بڑی سرل شبداولی وِ چ لِکھدا سی ،جو لوکاں دے مناں ’تے سِدھا اثر کردی سی۔ اُس نے آپنی شاعری انکھ نال کیتی۔ کدے کِسے حکومت دے رحم و-کرم ’تے نہیں رہیا۔ سگوں حکومتاں دِیاں زور-زبردستیاں تے دھکے شاہی دے خِلاف آواز بُلند کردا رہیا، دیش دی ونڈ توں پہلاں اتے بعد وِ چ اوہ لاہور وِ چ رہندا رہیا۔ اوسنوں انیکاں وار پنجابی وِ چ کوتاواں لِکھن توں ورجیا گیا پرنتو اوہ صِرف تے صِرف پنجابی وِ چ ہی کوتاواں لِکھدا سی،حالانکہ پاکستان بنیاں ہی زبان دے آدھار تے سی۔ شِری چِراغ دین دامن دا جنم ٣ ستمبر ١٩١١ نوں کریم بی بی دی کُکھوں تے میاں میر بخش دے گھر اِک غریب پریوار وِ چ ہویا۔ چِراغ دین نے مُڈھلی دسویں تک دی پڑھائی دیو سماج سکول توں پراپت کیتی۔ اوسدا پِتا ریلوے دے درزی خانے وِ چ کپڑے سِیون دا کم کردا سی پرنتو تھوڑھی دیر بعد ہی اوسدی نوکری چلی گئی تاں اُسنے آپنی درزی دی دُوکان کھول لئی تے چِراغ دین وی پِتا نال پِتا پُرکھی کم کرن لگ پیا۔ اوس دی ماتا لوکاں دے گھراں وِ چ بھانڈے مانجن دا کم کردی سی۔ ٢٠ویں صدی دا چِراغ دین دامن جو کہ بعد وِ چ اُستاد دامن دے ناں نال جانِیا جاندا سی، شاہ حُسین، بُلیشاہ اتے وارٽ شاہ توں بعد پنجابی دا پہلا سچا سُچا تے انکھیلا شاعر سی، جِسنے سموچا جیون تنگیاں تُرشیاں اتے تلکھیاں وِ چ گُزاریا۔ اوہ حکومت دی تاناشاہی، جبر ظُلم، غیر انسانی رویے اتے سماجی کُریتیاں وِرودھ لِکھن والا یودھا سی۔ اوہ جماندرو شاعر سی جو آپنا روز مرہا دا کم کردا جاں سبزی لین جاندا وی چھوٹے-موٹے مِسرے جوڑدا رہندا سی، جس توں اوسدی بہِر اتے قافیہ دی ردیف دی قُدرتی سوجھی دی پکڑ دا پتہ لگدا سی:
سبزی لیاؤ بھج کے، کھاؤ سارے رج کے، باقی رکھو کج کے۔
پاکستان وِچ بہُتی اُردو زبان دی ورتوں کیتی جاندی سی پرنتو اوہ پنجابی بولی دا ایڈا وڈا مدعی سی کہ جدوں اوسنوں پنجابی بولن تے لِکھن نوں روکیا گیا تاں اُس نے لِکھیا:
ایتھے بولی پنجابی ہی بولی جاوے گی، اُردو وِ چ کتاباں تے ٹھندی رہے گی
ایہدا پُتر ہاں اِیہدے توں دودھ منگنا، میری بُھکھ ایہی چھاتی تندی رہے گی
اِیہدے لکھ حریف پئے ہون پیدا، دِن-ب-دِن اِیہدی شکل بندی رہے گی
اودوں تیک پنجابی تے نہیں مردی، جدوں تیک پنجابن کوئی جندی رہے گی
کئی واری اُستاد دامن نوں کیہا گیا کہ پاکستان وِ چ پنجابی دا کوئی ستھان نہیں۔ اِس بھاشا وِ چ اوسدے لِکھن دا کوئی لابھ نہیں کیونکہ اِس بھاشا نوں پاکستان وِچ بہتے لوک نہ ہی بولدے ہن تے نہ ہی سمجھدے ہن تاں اِس بھاشا وِچ لِکھن دا کیہ فائدہ ہے۔ اِتھوں تک اوسنوں پاکستان چھڈ کے جان لئی کیہا گیا تاں اوناں لِکھیا:
مینوں کئیاں نے آکھیا کئی وار، توں لینا پنجابی دا ناں چھڈدے
گودی جِہدی وِ چ پل کے جوان ہوئیوں، اوہ ماں چھڈ دے تے گراں چھڈ دے
جے پنجابی پنجابی ای کوکناں اے، جِتھے کھلوتا اے تھاں چھڈدے
مینوں ِانج لگدا لوکی آکھدے نے توں پُترا آپنی ماں چھڈ دے
بہُت سارے ادیباں نے جدوں دامن نوں وار-وار اُردو وِ چ لِکھن لئی کیہا گیا تاں اوہناں لِکھیا:
اُردو دا میں دوکھی ناہیں تے دُشمن نہیں انگریزی دا،
پُچھدے ہو میرے دِل دی بولی- ہاں جی ہاں پنجابی اے
اُستاد دامن نے بھاشا دے آدھار تے بنیاں پارٹیاں دا کدے ساتھ نہیں دِنتا بھاویں اوس نوں اِس دا عِوضانہ وی بھُگتنا پیا،کشٹ وی جھلنے پئے۔ پنجابی بھاشا دا مدعی ہون کرکے اوسدی درزی دی دُوکان اتے گھر ١٩٤٧ دی ونڈ سمیں ساڑ دِتے گئے۔ اِس گھٹنا توں بعد اوہ ساری عمر مسیت دے اِک ١٠*١٠ فُٹ دے کمرے وِ چ ہی رہیا، جس وِ چ کوئی روشندان جاں تاکی نہیں سی۔ دنگیاں دے اِس درد بارے اوہ لِکھدا ہے:
کِسے تیلی ایسی لائی اے، تھاں-تھاں اگ مچائی اے۔
پئی سڑدی کُل لُکائی اے، تے پیندی حال دُوآئی اے
بھارت-پاکستان دی ونڈ توں بعد اُستاد دامن نوں بھارت دی آزادی دے جشناں سبندھی لال قلعے وِ چ کروائے گئے مشاعرے وِ چ بُلوایا گیا۔ اوس مشاعرے وِ چ بھارت دے راشٹرپتی شِری رجِندر پرشاد اتے پردھان منتری پنڈِت جواہر لال نہرو وی بِراجمان سن۔ اُستاد دامن نے آپنی کوتا پڑھی جس وِ چ اوناں کیہا کہ دیش دی ونڈ توں دوویں دیشاں دے لوک دُکھی ہن، بھاویں اوہ اِس نوں آپو-آپنے دیش دی آزادی دا ناں دے رہے ہن تاں پنڈت جواہر لال نہرو اینے جذباتی ہو گئے کہ ویکھن والے کہندے ہن کہ اوہ بھُباں مار کے رو پئے تے اُستاد دامن نوں گُھٹ کے جپھی پا لئی۔ اوہناں اُستاد دامن نوں بھارت وِچ آ کے رہن لئی کیہا پرنتو دامن نے اِنکار کردیاں کیہا کہ اوہ رہے گا تاں پاکستان وِچ ہی بھانوے اوسنوں جیل وِچ ہی رہنا پوے۔ اِس موقعے تے اوس ولو پڑی گئی کوتا اِنج ہے-
بھاویں مونہوں نہ کہیے پر وِچوں وِچی، کھوئے تُسیں وی او تے کھوئے اسیں وی آں
ایہناں آزادیاں ہتھوں برباد ہونا، ہوئے تُسیں وی او، ہوئے اسیں وی آں
کُجھ اُمید اے زندگی مِل جاوے گی، موئے تُسیں وی او، موئے اسیں وی آں
جِیوندی جان وی موت دے مُونہ، اندر، ڈھوئے تُسیں وی او، ڈھوئے اسیں وی آں
جاگن والیاں رج کے لُٹیا اے، سوئے تُسیں وی او، سوئے اسیں وی آں
لالی اکھیاں دی پئی دسدی اے، روئے تُسیں وی او، روئے اسیں وی آں
اُستاد دامن ہمیشہ ٹھیٹھ پنجابی وِ چ ٹکوراں ماردا رہیا۔ کالج دے مُنڈے-کُڑیاں ’تے اوس سمیں دے زمانے وِ چ ماریا وِینگ اج وی ڈھُکدا ہے:
ایہہ کالج اے کہ فیشن دی فیکٹری اے،
کُڑیاں مُنڈیاں دے نال اِنج پھِرن
جِویں الرب ے نال جمیٹری اے
اج پنجابی دُنیناں دے کونے-کونے وِ چ پہُنچیا ہویا ہے۔ اوس زمانے وِ چ پنجاب توں باہر پنجابیاں دی موجودگی دا زکِر اِس طرح کر رہیا ہے:
بِکھرے ورقیاں دی ہو گئی جِلد بندی، میں اِک کھُلی کتاب نوں ویکھدا آں
ایہہ وِساکھی دِیاں مہربانیاں نے، بمبے وِ چ پنجاب نوں ویکھدا آں
اُستاد دامن نوں سروپکھی لیکھک کیہا جا سکدا ہے۔ اُسنے فِلماں دے گیت وی لِکھے۔ اوسدا سبھ توں ہرمن پِیارا گیت لوکاں دی زُبان ’تے چڑھیا ہویا ہے:
مینوں دھرتی کلی کرا دے، میں نچانگی ساری رات۔
اُستاد دامن فقر قِسم دا لوک کوی سی، اُسنے آپنیاں کوِتانوا دی آپ کوئی کتاب پرکاشتِ نہیں کروائی سی۔ سارِیاں کوتاواں اوسنوں مُنھ جُبانی یاد سی۔ اوہ ہر رچنا نوں اوسدی مات بھاشا وِچ ہی پڑنا چاہندا سی، اِسے کرکے اُسنے بہُت سارِیاں بھاشاواں سِکھیاں۔ اوسنوں چھوٹے جہے کمرے وِچ رہن کرکے کئی بیماریاں نے گھیر لیا سی۔ فیض احمد فیض اوسدا بڑا وڈا اُپاشک اتے دوست سی، اِس لئی فیض احمد فیض نے آپنے دوستاں مِتراں نال رل کے اِک ٹرسٹ بنائی تے اوس ٹرسٹ دا ذِمہ لگایا گیا کہ اوہ اُستاد دامن دی صحت دا دِھیان رکھے اتے اوس لئی اِک ہوادار گھر بنوا کے دیوے تے نال ہی اوسدیاں سارِیاں کوتاواں اِکٹھیاں کرکے اوہناں دی اِک کتاب پرکاشتِ کیتی جاوے پرنتو پرماتما نوں ایہہ سارا کُجھ منجور نہیں سی۔ فیض احمد فیض دی موت ہو گئی، اوس سمیں اُستاد دامن وی ہسپتال وِچ داخل سی۔ ایہہ وِچھوڑا وی اوہ برداشت نہیں کر سکیا تے فیض احمد فیض دی موت توں ٢٠ دِن بعد اُستاد دامن وی خُدا نوں پِیارا ہو گیا۔ اودوں کِسے وی پاکستانی نے اوسدی خدمت نہیں کیتی، بعد وِچ اُستاد دامن دِیاں رچناواں اُردو بھاشا وِچ ترجمہ کرکے پرکاشتِ کروائیاں۔ پنجابی جگت وِچ سِری جیتیگ سنگھ آننت جو کہ ادبی سنگت کینیڈا دا پردھان ہے نے اُستاد دامن بارے اِک وارتک دی بہُت خوبصورت کتاب پرکاشتِ کروائی ہے جو کہ پاکستان اتے کینیڈا وِچ جاری کیتی گئی ہے۔ ایہہ پاکستانی پنجابی شاعر نوں عقیدت دے پھُل بھینٹ کرکے سِری آننت نے پنجابی دی سیوا کیتی ہے۔
پاکستان بنن توں ہُن تک ٦٦ سالاں دے سمیں وِ چ بہُتا سماں پاکستان وِ چ لوکتنتر دی تھاں فوجی راج رہیا ہے۔ اِتھوں تک کہ جدوں لوکتانترِک ڈھنگ راہیں چوناں وی ہوئیاں تاں وی فوجی جرنیلاں دی ہی طوطی بولدی رہی۔ مطلب پالِسی ہمیشہ فوج دی ہی چلدی رہی۔ فوجی راج ’تے وِینگ کردا دامن لِکھدا ہے:
ساڈے مُلک دِیاں موجاں ہی موجاں، جِدھر دیکھو فوجاں ہی فوجاں۔
ایہہ کیہ کری جانا، ایہہ کیہ کری جانا
کدی چین جانا، کدی روس جانا، کدی شمِلے جانا، کدی مری جانا
جِدھر جانا بن کے جلوس جانا، اُڈائی قوم دا پھلُوس جانا
لئی کھیس جانا، کھِچی دری جانا، ایہہ کیہ کری جانا
ٖ
فوجی حکومت نے اجہیاں کوتاواں لِکھن کرکے اوس اُپر بمب رکھن دے کیس پا دِتے تاں اُستاد دامن نے کیہا کہ جیکر میرا گھر وڈا ہُندا تاں ٹینک رکھن دا کیس پا دِتا جاندا۔ اِسے کرکے اوہ لِکھدا ہے:
سٹیجاں ’تے آئیے سِکندر ہوئیدا اے، سٹیجو اُتر کے قلندر ہوئیدا اے
اُلجھے جو دامن حکومت کِسے نال، بس اینا ہی ہُندا، اندر ہوئیدا اے
فوجی حکومت ولوں عوام نال کیتیاں جاندے زاِئدتیاں اتے دھکے شاہیاں خِلاف لِکھن توں اوہ کدے ڈریا نہیں۔ سگوں پاکستان دے سارے فوجی حاکماں نوں آڑے ہتھی لیندیاں اوہ لِکھدا ہے:
اِکو بندہ ہے پاکستان اندر، ہور سبھے رام کہانیاں نیں
بھاویں بھُٹو ہووے، بھاویں وٹو ہووے، صدر ایوب دِیاں سبھے وٹوانیاں نیں
سُنجا جاندیا جاندیا راہیا، گیا آیوب تے پھس گیا یحیی
کم کار بند تے گاؤ ماہیا، جِیو میرے ڈھول سِپاہیا
فوجی جرنیلاں دِیاں آپ ہودریاں دا زکِر کردا دامن لِکھدا ہے:
ساڈے مُلک دے دو خُدا، لا اِلا تے مارشل لا،
اِک رہندا عرشاں اُپر، دُوجا رہندا فرشاں اُتے
اوس دا ناں ہے اﷲ میاں، اِس دا ناں ہے جنرل ضیا
دامن دی شبداولی اتے تصویراں کمال دِیاں ہن۔ ایہہ سارِیاں تسویہاں عام بندے دی سمجھ آؤن والیاں ہن۔ فوجی حُکمران لوکاں دی کُچھڑ بیٹھ کے جدوں من مرضیاں کردے سن تاں دامن لِکھدا ہے:
خانہ جنگی توں سانوں بچا لیا ہے، صدقے جاواں آپنی آرمی توں
وانگ عینک دے نک تے بیٹھ کے دوویں کن پھڑ لےم نے آدمی دے
پنجابی دے اِس جنونی شاعر توں اج ضرور پریرنا لے کے لوکاں دے سمجھ آؤن والی شُدھ تے سرل شبداولی ورتکے کوتا لِکھنی چاہیدی ہے تاں جو پنجابی زُبان لوکاں دے بُلاں تے جِیوندی رہے اتے پنجابی اِسدے رنگ وِ چ رنگے رہن۔ایہو ساڈی پنجابی دے مُدایاں دی دامن نوں سچی سُچی شبدھانجلی ہووےگی۔ [ اُجاگر سنگھ]
ایک تبصرہ شائع کریں