سمجھ سمجھ کے ہوراں تائیں، میں لینا اے کیہ ۔
اپنا آپ بجھارت بنیاں، لک لک بہندا جی ۔
حق دی گلّ سنا دے سبھ نوں، نہ بلھاں نوں سی ۔
سوچ سمجھ دی ایسی تیسی، گھٹّ گھٹّ کرکے پی ۔
نچے وچ خیال صراحی،
اکھاں وچ پیالہ ۔
جیوں تؤں کرکے گرمی کٹّ لئی،
لنگھو کویں سیالا ۔
ملاں واعظ محراب 'چ پیا کردا،
اسیں گلّ ہاں دار 'تے کہن والے ۔
جتھے زلزلے آنودے دنے راتیں،
اسیں اوس مکان دے رہن والے ۔
لگدا انجھ ہوا نے سنگھی، کدھروں شاخ انگوری ۔
باغاں دے وچ پھلّ مستائے، ہو گئے اتی سندھوری ۔
چلے تیز ہوا ہو جاندے اک دوجے دے نیڑے،
جد وچھڑن تے انجھ لگدا اے، رہِ گئی گلّ ادھوری ۔
میں چاہنا ہاں اوہ شراب پینی،
حشر تیک نہ جسدا صرور اترے ۔
سولی ساہمنے ہووے تاں صاف آکھاں،
اتے میں چڑھناں تے منصور اترے ۔
ایک تبصرہ شائع کریں