بجلی دے لشکارے پیندے، جھوم گھٹاواں آئیاں ۔

بجلی دے لشکارے پیندے، جھوم گھٹاواں آئیاں ۔

اتوں ایس سمیں وچ سجنا، اکھاں نہیں پرتائیاں ۔

زندگی دے رشتے وچ ساقی، ٹوئے ٹبے کھائیاں ۔

ایسے ویلے توں میئخانے نوں کیوں نے کنڈیاں لائیاں ۔


الغرض اگے غرض پیش کرکے،
انھے اگے مورکھا رون لگا ایں ۔
'دامن' سمجھ لے ماری گئی متّ تیری،
گاں سمجھ کے جھوٹے نوں چون لگا ایں ۔


آئی جوانی گئی جوانی،
جیوں بدلاں دی چھاں ۔
بھاویں رہی ایہہ چار دہاڑے،
تاں وی بھلے نہ ۔


آئی جوانی گئی جوانی،
جویں وسدے گھر 'چوں چور ۔
پھڑدیاں جیکر نکلے ہتھوں،
کٹی پتنگ دی ڈور ۔


دارو گھر دا بوہا کھلھیا،
بلے آئے خوشبواں دے ۔
رنداں دارو چھڈنا ناہیں،

کی فائدے ملاں سوہاں دے ۔