گولی ماری اے جہنے مہاتما نوں،
اوہنے زمیں دا گولہ گھما چھڈیا ۔
چیکاں وچ آواز اک امن دی سی،
کسے ظالم نے گلا دبا چھڈیا ۔
شان اپنی ودھان دی خوشی کرنا ایں،
کدے کسے دا کم سواردا نہیں ۔
'دامن' فٹّ دے بحر وچ جو ڈبے،
اوہنوں نظر آؤندا کنڈھا پار دا نہیں ۔
قوانین ایہہ سارے نے ماڑیاں لئی،
بھاویں ہون کالے بھاویں ہون گورے ۔
تگڑا دھون قنون دی موڑ لیندا،
دے کے سونے دے دولتاں نال بورے ۔
بہتر موت آزادی دی سمجھدے ہاں،
اسیں ایس غلامی دی زندگی توں ۔
ساڈا وطن حکومت ہے غیر وطنیں،
مر مٹانگے ایس شرمندگی توں ۔
خورے کیوں نہیں زمین دی گلّ کردے،
بندے ایہہ جہڑے پتلے خاک دے نے ۔
رجّ کھاندیاں نوں گلاں آؤندیاں نے،
لگے آٹا تے طبلے پٹاکدے نے ۔
ایک تبصرہ شائع کریں